Azərbaycan, Bakı, 04 may / Trend , müxbir E.İsmayılov /
Əvvəllər qaz tullantılarının aşkarlanması səbəbindən fəaliyyəti dayandırılan Azərbaycanın Mərkəzi Azəri dəniz yatağındakı platformadan sutkalıq neft hasilatı təqribən 36,5 min ton (270 minbarel) təşkil edir. Bu barədə bazar ertəsi neft-qaz sənayesindəki mənbə bildirib.
Platformada fəaliyyət dayandırılanadək ümumilikdə 13 quyudan neft hasil edilirdi. "Hazırda bir quyu fəaliyyət göstərmir", - deyə mənbə bildirib.
"Azəri-Çıraq-Günəşli" (AÇG) yataqları blokunun işlənməsi üzrə operator BP sentyabrın 17 - də "Mərkəzi Azəri" yatağında neft hasilatını dayandırıb və yataqda quraşdırılan platforma personalını dənizdə qazın aşkar olunması səbəbindən evokuasiya edib. Təhlükəsizlik məqsədi ilə yatağın qərb hissəsində "Qərbi Azəri" platformasından da hasilat dayandırılıb, lakin onun fəaliyyəti sonradan bərpa olunub.
Bu gün "AÇG" yataqları blokunda neft hasilatı həcmi sutkada təqribən 900 min barel təşkil edir ki, bu da əməli olaraq yataqda platformanın fəaliyyəti dayandırılanadək əldə olunan həcmə bərabərdir.
"AÇG" yataqlarının işlənmə layihəsinin operatoru BP şirkətidir. "Azəri-Çıraq-Günəşli" yataqlarından Bakı-Tbilisi-Ceyhan boru kəməri ilə ixrac edilən Azeri Light növlü neft hasil edilir.
"AÇG" iri dəniz yataqları blokunun işlənmə layihəsi üzrə iştirakçılar bunlardır: BP (operator- 34,1367%), ChevronTexaco (10,2814%), SOCAR (10%), İNPEX (10%), Statoil (8,5633 %), ExxonMobil (8,006%), TRAO (6,75 %), Devon Energy (5,6262 %), ITOCHU (3,9205 %), Delta Hess (2,7213%). Lazımi kapital yatırımları 20 mlrd. dollar təşkil edir.
Məqalə müəllifi ilə əlaqə ünvanı - [email protected]
