Azərbaycan, Bakı, 11 iyun / Trend /
BP Azərbaycanda təsdiq olunmuş qaz ehtiyatlarının qiymətləndirilməsini 40 milyard kubmetr artıraraq 1,2 trilyon kubmetrə qədər yüksəldib.
BP-nin dünya energetikasına dair statistik hesabatında bildirilir ki, 2009-cu il yanvarın 1-i üçün Azərbaycanda təsdiq olunmuş qaz ehtiyatları dünyanın ümumi qaz ehtiyatının 0,6 faizini təşkil edir.
BP-nin məlumatlarına görə, 2008-ci ildə Azərbaycanda qaz hasilatı 14,7 milyard kubmetr təşkil edib və bu, 2007-ci ilədki hasilatdan 50 fazi artıqdır.
Şirkət qeyd edir ki, ötən il ölkədə qaz istehlakı 16 faiz artaraq 9,3 milyard kubmetr təşkil edib.
BP Azərbaycanda dəniz neft-qaz yataqlarının işlənməsi üzrə iri xarici operatorlardan biridir. Şirkət Şah Dəniz qaz-kondnsat yatağının işlənməsi üzrə layihənin operatorudur. Bu yataqdan qaz Cənubi Qafqaz boru xətti ilə Gürcüstan və Türkiyəyə ixrac olunur. Qaz həmçinin Azərbaycanın daxili bazarında satılır.
