Azərbaycan, Bakı, 09 iyul / Trend /
"Azərbaycan alternativ və bərpa edilən enerji mənbələri məsələsində Birləşmiş Ərəb Əmirlikləri (BƏƏ) ilə əməkdaşlığı perspektivli hesab edir", - cümə axşamı Bakıda, Azərbaycanın sənaye və enerji naziri Natiq Əliyev BƏƏ-nin xarici işlər naziri şeyx Abdulla bin Zayid al Nəhyanla görüşü zamanı deyib. Bu barədə nazirliyin məlumatında deyilir.
Nazir həmçinin qeyd edib ki, bərpa olunan enerji resursları üzrə Beynəlxalq agentliyin qərarına əsasən, bu təşkilatın baş ofisi BƏƏ-nin paytaxtı Əbu Dabidə yerləşəcək.
BƏƏ-nin xarici işlər naziri Azərbaycan tərəfini Baş ofisin yerləşmə məsələsində verdiyi dəstəyə görə təşəkkür edib. Onun sözlərinə görə, BƏƏ iqtisadiyyatın bütün, həmçinin alternativ və bərpa edilən enerji mənbələri sahələrində əməkdaşlığa böyük əhəmiyyət verir.
