Azərbaycan, Bakı, 04 avqust / Trend , müxbir E.İsmayılov /
ARDNŞ (Azərbaycan Respublikası Dövlət Neft Şirkəti) Gürcüstanda SOCAR Energy Georgia şirkətinin törəmə müəssisəsi olan SOCAR Georgia Gas şirkətinin istifadəsində olan 31 qaz təsərrüfatının təkmilləşdirilməsi və abunəçilərinin sayının artırılması üçün lazım olan sərmayələrin həcmini artırmağı planlaşdırır. Bu barədə çərşənbə axşamı Georgia Gas-ın başçısı Anar Məmmədov deyib. Öz növbəsində SOCAR Energy Georgia ARDNŞ-nin törəmə müəssisəsidir.
"Əvvəlcə sərmayələrin minimal həcmi 40 milyon dollar həcmində qiymətləndirilirdi, ancaq qiymətləndirmə aparılandan sonra işlərin həcmi çox oldu. Sərmayələrin həcmi böyük ehtimalla artıma doğru dəyişdiriləcək", - Məmmədov deyib.
Məmmədov dəqiq rəqəmi dəqiqləşdirmənin aparılması səbəbindən deməyib.
"Hazırda SOCAR Georgia Gas-ın istifadəsində olan qazpaylayıcı şəbəkələrin tələbatı ildə 80-90 milyon kubmetr təşkil edir. Üçillik proqram çərçivəsində şirkət bu şəbəkələrin abunəçilərinin sayını 60 mindən 150 minə qədər artırmağı planlaşdırır. Bundan sonra bu şəbəkələrin illik tələbatı minimum iki dəfə artacaq", - Məmmədov bildirib.
Dekabrın 26-da ARDNŞ və Gürcüstan höküməti 30 qazpaylayıcı təsərrüfat və qazpaylayıcı şəbəkənin istifadəyə ötürülməsi barədə müqavilə imzalayıb. Bu şəbəkələr Gürcüstanın Kaxeti, Msxeta-Mtianeti, Şida və Kvemo-Kartli, Acarıstan, Quriya, İmereti, Sameqrelo kimi regionlarını əhatə edir. Bu şəbəkələr 24 şirkət tərəfindən istismar edilib.
Apreldə SOCAR Energy Georgia şirkəti həmçinin Gürcüstanın azərbaycanlıların yığcam şəkildə yaşadığı Marneuli rayonunun qazpaylayıcı şəbəkəsini də istifadə üçün alıb. Bu daha 31 qaz təsərrüfatı deməkdir.
Əvvəllər bu şəbəkənin sahibi "Wissol" şirkəti olub. Bu şirkət qazı SOCAR-dan alaraq, onun Marneuli ərazisində satışı ilə məşğul olub. İndi bu istiqamətdə bütün işləri SOCAR Energy Georgia həyata keçirəcək. Bu paylayıcı şəbəkənin alınması, onların inkişafı və idarə edilməsi 40 milyon dollarlıq sərmayə proqramına daxil edilməyib.
Məqalə müəllifi ilə əlaqə ünvanı: [email protected]
