Azərbaycan, Bakı, 03 sentyabr / Trend , müxbir E.İsmayılov /
ARDNŞ (Azərbaycan Respublikası Dövlət Neft Şirkəti) operatoru xarici iştirakla "Salyan Oil" şirkəti olan "Kürsəngi" yatağının şimal hissəsinin işlənməsi modellərinin qurulmasını həyata keçirir. Bu barədə cümə axşamı ARDNŞ-dəki mənbədən deyilib.
"Bu müqavilə çərçivəsində işlər davam etdirilir və son mərhələdədir. Hazırda "Kürsəngi" yatağının şimal hissəsinin işlənməsi modellərinin qurulması icra edilir", - mənbədən deyilib.
Onun sözlərinə görə, layihə çərçivəsində işlərin bu ilin sentyabr-oktyabr ayına yekunlaşdırılması planlaşdırılır.
Mənbədən bildirildiyinə görə, hazırda həmin müqavilə çərçivəsində intensiv işlər aparılır və sentyabr-oktyabr aylarında işlərə tamamilə yekun vurulacağı gözlənilir. Aparılan işlər çərçivəsində quyular və hazırkı hasilat haqqında məlumat dəqiqləşdiriləcək, nəticədə isə perspektivli yataqların işlənməsi və qazılması planı tərtib ediləcək.
ARDNŞ "Kürsəngi" yatağının cənub hissəsinin modelləsdirilməsi üzrə işləri başa çatdırıb. Yataqlarda yeni quyuların təməlinin qoyulması ilə bağlı proqnoz təqdim edilib. Müqavilədə göstərilən sahədə 80-dən artıq quyu qazılıb. Yatağın ehtiyatlarının yenidən qiymətləndirilməsi 18 milyon tona bərabər olan əvvəlcə proqnozlaşdırılan məlumatlar arasında elə böyük fərqin olmadığını göstərib.
"Kürsəngi-Qarabağlı" müqavilə sahəsini işləyib hazırlayan "Salyan Oil" şirkəti 2009-cu ildə yataqlarda dörd istismar quyusu qazmağı planlaşdırır. Yataqlar Azərbaycanın Salyan rayonunda yerləşir (Bakıdan 150 kilometr aralıda).
"Kürsəngi-Qarabağlı" quru yataqlarının işlənməsi müqaviləsinin fəaliyyət müddəti 25 ildir. Layihənin səhmdarları: ARDNŞ - 50 faiz, İki Çin şirkəti - China National Oil & Gas Exploration and Development Corp. (CNODC) və CNPC (Hong Kong) Ltd. (CNPCHK) - 25 faiz.
Məqalə müəllifi ilə əlaqə ünvanı: [email protected]