Azərbaycan, Bakı, 28 sentyabr / Trend , müxbir E.İsmayılov /
Xəzər dənizinin Azərbaycan sektorunda "Ümid" perspektivli strukturunda birinci kəşfiyyat quyusunun qazılması çərçivəsində 6500 metrdən 1650 metrə yaxın qazma işi aparılıb, bazar ertəsi ARDNŞ-dən mənbə deyib.
"Strukturda qazma işləri davam edir. Kəşfiyyat quyularının qazılması çərçivəsində artıq 1650 metr qazılıb", - mənbə deyib.
Kəşfiyyat quyusunun qazılmasına avqustda başlanıb. Bu perspektivli struktur çətin geoloji və seysmik xüsusiyyətlərinə görə fərqlənir, əvvəllər mənbə deyib.
Bu, ARDNŞ-in son 15 ildə apardığı ilk müstəqil kəşfiyyat qazmasıdır. ARDNŞ-in geoloqları "Ümid" perspektivli strukturundakı ehtimal edilən qaz ehtiyatını 300 milyard kubmetr, qaz kondensatı ehtiyatını isə 30-40 milyon ton olaraq dəyərləndirirlər.
Əvvəllər ARDNŞ kəşfiyyat quyularının da qazıldığı "ÜMİD-1" platformasının inşaatını başa çatdırıb. "Ümid-1" platforması tikintisi yarımçıq qalan "Çıraq-6" paltformasının əsasında tikilib, proqram çərçivəsində ən iri obyekt hesab edilir, onun hündürlüyü 72 metrdir. Platforma dənizin 58 metr dərinliyində "Bulla-dəniz" dəniz yatağının 15 kilometrliyində yerləşir. Ümumilikdə platformada 6 qaz quyusunun qazılması planlaşdırılır.
Məqalə müəllifi ilə əlaqə ünvanı: [email protected]