Azərbaycan, Bakı, 16 oktyabr / Trend /
Yaxın günlərdə ARDNŞ-ın "Azəriqaz" İstehsalat Birliyi ictimaiyyətə məişət qazının istifadəsi zamanı təhlükəzislik qaydalarını təşviq edən yeni materiallar təqdim edəcək, bu barədə ARDNŞ-ın məlumatında deyilir.
Məlumatda deyildiyi kimi, payız-qış mövsümünün başlanması ilə gücləndirilmiş iş rejiminə keçilməsilə əlaqədar olaraq abunəçilərin məlumatlandırılması məqsədilə texniki təhlükəsizlik qaydalarına dair xüsusi bukletlər, plakatlar və video çarxlar hazırlanıb.
Təşviqat materialları ictimai yerlərdə - yaşayış evlərinin və çoxmərtəbəli binaların qarşısında asılacaq.
Payız-qış mövsümünün başlanması ilə əlaqədar qaza olan tələbatı nəzərə alaraq "Azəriqaz" abunəçilərdən diqqətli olmağı və bədbəxt hadisələrdən yayınmaq məqsədilə qaz istifadəsinin texniki qaydalarına riayyət etməyi xahiş edir.