Azərbayca, Bakı, 16 oktyabr / Trend /
ARDNŞ "Neft Daşları -2585" yeni dörb loklu platformanı şirkətin hesabına işlənən böyük dəniz yataqları "Neft Daşları" və "Günəşli" (dayaz sulu hissə) yataqlarının sərhədində yerləşdirməyi planlaşdırır, bu barədə ARDNŞ-in məlumatında deyilir.
Platformanın inşasının əsas podratçısı qismində "Neft-qaz tikinti" tresti çıxış edəcək. 64 metr hündürlüyündə iki blokun Zığdakı tikinti-quraşdırma meydanında inşa edilməsi planlaşdırılır. Digər iki blok isə Heydər Əliyev adına Dərin Özüllər Zavodunda tikiləcək.
Yeni platformalar ehtiyatları əhəmiyətli dərəcədə işlədilən "Neft Daşları" yatağında neft hasilatının stabil həcmlərinin saxlanılması üçün vacibdir. "Neft Daşları" Azərbaycanın karbohidrogen hasil etməyə başladığı ilk dəniz yatağıdır.
Yeni platforma suyun 46 metr dərinliyində, beş bloklu "Neft Daşları - 1887" platformasının 500 metrliyində quraşdırılacaq. Platformadan 12 quyunun qazılması planlaşdırılır.
Yeni quyuların qazılması və platformaların inşası Azərbaycan Prezidentinin "Neft Daşları" Neft-Qaz Hasilatı İdarəsində hasilat həcminin 812 min tondan 1,2 milyon tona kimi (1,5 dəfə) qaldırılması barədə sərəncamı çərçivəsində həyata keçirilir. ARDNŞ geoloqlarının qiymətləndirməsinə görə, "Neft Daşları" yatağında qalıq neft həcmi 30 milyon ton təşkil edir. 2010-cu ilə kimi yataqda neft hasilatının artırılması üçün ARDNŞ 78 quyu qazacaq.
