...

Azərbaycan İrana qaz tədarükünü xeyli artıracaq - ARDNŞ prezidenti

Energetika Materials 12 Yanvar 2010 15:10 (UTC +04:00)

Azərbaycamn, Bakı, 12 dekabr / Trend , müxbir T.Cəfərov/

Azərbaycan qazın İrana tədarük həcminin artırılması üçün mövcud infrastrukturun yenidən qurulmasını həyata keçirmək niyyətindədir. Bu barədə ARDNŞ prezidenti çərşənbə axşamı Bakıda İran Milli Qaz İxrac Şirkətinin icraçı direktoru Seyid Rza Kəsaizadə ilə aparılan danışıqların yekununda bildirib.

"Biz infrastuktura böyük investisiyalar qoyuruq. Yeni kompressorlar quraşdırılacaq, qaz-nəqliyyat xətləri təmir ediləcək", - Abdullayev deyib.

Bu ilin payızından etibarən İrana qaz tədarükünün həcmi ildə 1,5 milyard kubmetrədək artırıla bilər.

Gələn ilin payızınadək Azərbaycan onu İranla birləşdirən boru kəmərində 6 yeni kompressor quraşdırmaq niyyətindədir ki, bu da qaz tədarükünü sutkada 5 milyon kubmetrə çatdırmaq imkanı verəcək. Yenidənqurma işləri təzyiqi 55 atmosferdən 75 atmosferədək artırmağa imkan verəcək.

"Uzunmüdətli müqavilənin imzalanmasından sonra biz onun gələcək perspektivlərini gözdən keçirəcəyik. Gələcəkdə İran tərəfinin tələbatından asılı olaraq tədarük həcmini ildə 5 milyard kubmetrə çatdıra bilərik", - Abdullayev deyib.

"Yeni müqavilə üzrə danışıqları yaxın üç ay ərzində yekunlaşdırmaq nəzərdə tutulur. Bundan sonra isə müqavilə imzalanmağa hazır olacaq", - Kəsaizadə deyib.

Xəbər lenti

Xəbər lenti