Azərbaycan, Bakı, 23 yanvar/ Trend , müxbir Y.Ostapenko/
Aİ İspaniyanın sədrliyi dövründə yeni enerji strategiyasını qəbul etməyi planlaşdırır. Bu strategiya enerji tədarükü mənbələrinin diversifikasiyasına, enerji resurslarının tranzitləri, istehlakçıları və istehsalçıları ilə beynəlxalq əməkdaşlığın möhkəmlənməsinə kömək edəcək.
Aİ-nin yeni enerji strategiyası - "2010-1014-cü illərdə enegetika sahəsində fəaliyyət planı" enerji təhlükəsizliyi əsasında yaradılacaq, Avropa İttifaqında 2010-cu il yanvarın 1-dən iyulun 1-dək sədrlik edəcək olan İspaniyanın XİN-nin rəhbəri Migel Anxel Moratinos Trend -a deyib.
"Enerji tədarükü mənbələrinin diversifikasiyası yüksək prioritet olaraq qaldığı müddətdə İspaniya sədrliyi də nəqliyyat marşrutlarının diversifikasiyası üzrə layihəni dəstəkləyəcək", - Moratinos deyib.
İspaniyanın XİN-nin rəhbərinin sözlərinə görə, Aİ "Cənub dəhlizi" və qismən də "Nabukko" layihəsinin inkişafını dəstəkləyəcək.
"Cənub dəhlizi" layihəsi enerjitədarükü mənbələrinin və marşrutlarının diversifikasiyasını və Avropa ölkələrinin enerji təhlükəsizliyinin artırılmasını nəzərdə tutur. "Cənub dəhlizi" layihəsinə aiddir: Nabukko qaz kəməri, Transadriatik qaz kəməri, Ağ Axın qaz kəməri, İTGİ layihəsi (Türkiyə-Yunanıstan-İtaliya)
