...

Türkiyə ərazisi vasitəsilə "Bakı-Tbilisi-Ceyhan" boru kəməri ilə neft nəqli artıb

Energetika Materials 30 Mart 2010 19:26 (UTC +04:00)

Azərbaycan, Bakı, 30 mart / Trend , müxbir E.İsmayılov/

Türkiyə ərazisi vasitəsilə "Bakı-Tbilisi-Ceyhan" (BTC) boru kəməri vasitəsilə bu ilin yanvar-fevral aylarında 42,77 milyon barel neft nəql edilib. 2009-cu ilin yanvar-fevral aylarında bu göstərici 41 milyon barel neft təşkil edib. Bu barədə Türkiyənin "Botaş" boru şirkətinin rəsmi internet səhifəsində yayılan məlumatda deyilir. Fevralda bu göstərici yanvardakı 22,75 milyon barelə nisbətdə 20,03 milyon barel təşkil edib.

Ümumilikdə, 2009-cu ildə BTC kəməri vasitəsilə təxminən 285,5 milyon barel neft nəql edilib. 2008-ci ildə bu göstərici 264,1 milyon barel təşkil edib, 2007-ci ildə isə 210 milyon bareli ötüb.

BTC boru kəmərinin ümumi uzunluğu 1768 kilometrdir ki, bunun da 443 km-i Azərbaycan, 249 km-i Gürcüstan, 1076 km-i isə Türkiyə ərazisindən keçir. Boru kəmərinin inşasına 2003-cü ilin aprelində, neftlə doldurulmasına isə 2005-ci il mayın 18-də başlanılıb.

BTC Co-nun səhmdarları aşağıdakılardır: BP (30,1 faiz); AzBTC (25 faiz); Chevron (8,90 faiz); Statoil (8,71 faiz); ТРАО (6,53 faiz); Eni (5 faiz ); Total (5 faiz); Itochu (3,40 faiz ); Inpex (2,50 faiz); ConocoPhillips (2,50 faiz) və Amerada Hess (2,36 faiz).

Türkiyə ərazisi vasitəsilə "İraq-Türkiyə" boru kəməri ilə bu ilin yanvar-fevral aylarında 26,9 milyon barel neft nəql olunub. Fevral ayında bu göstərici 12,46 milyon barel neft təşkil edib.

Türkiyə ərazisi vasitəsilə "İraq-Qırıqqala" boru kəməri ilə bu ilin yanvar-fevral aylarında 495 min barel neft nəql edilib. Fevral ayında bu göstərici 246 min barel neft olub.

Türkiyə ərazisi vasitəsilə "Batman-Dördyol" boru kəməri ilə bu ilin yanvar-fevral aylarında 2,24 milyon barel neft nəql olunub. Fevral ayında bu göstərici 1,2 milyon barel neft təşkil edib.

Xəbər lenti

Xəbər lenti