Azərbaycan, Bakı, 31 mart / Trend /
Azərbaycan, Gürcüstan və Rumıniya aprelin 8-də Azərbaycan qazının Qaradəniz vasitəsilə Avropanın qaz nəqliyyatı şəbəkəsinə tədarük edilməsi üzrə memorandum imzalamaq niyyətindədirlər. Bunu çərşənbə günü neft-qaz bazarındakı mənbə deyib.
Bu gün Azərbaycan qazının Gürcüstanın Qara dəniz sahilində (ARDNŞ-nin Kulevidə neft terminalı var) emal edilməsinə dair terminalın tikintisi və onun gələcəkdə Avropanın daxili qaz nəqliyyatı şəbəkəsinə çatdırılması üçün gəmilər vasitəsilə Rumıniya və ya Bolqarıstana nəql edilməsi məsələsi nəzərdən keçirilir.
Layihə iki istiqamətdə - LNG və CNG nəzərdən keçirilir. Birinci, qazın mayeləşdirilməsi üçün zavodun tikilməsi, ikinci isə qazın gəmi ilə birbaşa mayeləşdirilmə üçün göndərilməsidir. Bu layihə çərçivəsində 7-20 milyard kubmetr qazdan söhbət gedir.
