...

Xəzər Boru Kəməri Konsorsiumu CPC Blend markalı neftin yüklənmə həcmini azaldıb

Energetika Materials 4 May 2010 12:31 (UTC +04:00)

Trend-i buradan izləyin

Azərbaycan, Bakı, 4 may /Trend, müxbir E.İsmayılov/

Yanvar-aprel aylarında Xəzər Boru Kəməri Konsorsiumu (XBKK) səhmdarları tərəfindən "Yujnaya Ozereyka-2" terminalında CPC Blend markalı 11,45 milyon ton neft yüklənib. Ötən ilin analoji dövründə bu göstərici 11,62 milyon ton təşkil edib. Bu barədə XBKK-nın mətbuat xidmətindən bildirilib.

2009-cu ilin aprelində 2,99 milyon tona nisbətdə bu ilin aprel ayında terminalda 2,92 milyon ton neft yüklənib.

2009-cu ildə XBKK səhmdarları terminalda, təqribən, 34,6 milyon ton neft yükləyiblər. 2008-ci ildə bu rəqəm 31,5 milyon ton olub. 2007-ci ildə XBKK səhmdarları 32,6 milyon tondan çox neft yükləyiblər.

Həcmlərin nəql və boşaldılmasını (qoşulma ardıcıllığı ilə) həyata keçirən XBKK yükgöndərənləri aşağıdakılardır:

- "Tengizşevroyl" - bağlanmış müqavilələrdən birincisi - tədarük olunan əsas həcmlər sisteminin əsas yüklənməsini təmin edir;

- "Arman" - XBKK səhmdarı Oryx Caspian Pipeline LLC-nin affilə edilmiş yükgöndərəni. Hazırda "Şell"in mülkiyyətindədir;

- "Embamunayqaz" və "Qazaxoyl-Aktobe" - XBKK səhmdarı Kazakstan Pipeline Ventures LLC-nin affilə edilmiş yükgöndərəni;

- "CNPC-Aktobemunayqaz" - Qazaxıstan hökumətinin giriş hüquqlarından yararlanaraq, terminalda həcmlərin nəql və boşaldılmasını həyata keçirir;

- "Litasko" - XBKK səhmdarı LUKARKO B.V. şirkətinin affilə edilmiş yükgöndərəni;

- "Karaçaqanak Petroleum Opereytinq B.V." - "Tengizşevroyl"dan sonra nəql həcmləri üzrə ikinci yükgöndərən. XBKK-nın bir çox səhmdarları yanında affilə edilib;

- "Nafta Trans" QSC və onunla affilə edilmiş şirkətlər - Rusiya Federasiyasının giriş hüquqlarına əsasən rus hasilatçılarının neftini XBKK-ya tədarük etmək səlahiyyətindədir.

Xəbər lenti

Xəbər lenti