Аzərbaycan, Bakı, 18 may /Trend, müxbir E.İsmayılov/
Azərbaycanın Fövqəladə Hallar Nazirliyi (FHN) dənizə neftin tökülməsinin qarşısının alınması ilə bağlı fəaliyyət planı hazırlayıb. Bu barədə çərşənbə axşam Xəzər-Avropa İnteqrasiya İşgüzar Klubunun (CEIBC) "Xəzərdə neft-qaz əməliyyatlarının ekoloji risklərinin araşdırılması" mövzusuna həsr olunmuş iclasında Azərbaycanın FHN-nin infrastruktur şöbəsinin rəhbəri Arif İsgəndərov məlumat verib.
"Neftin dənizə tökülməsinin aradan qaldırılması üzrə fəaliyyət planı hazırlanıb və hazırda ekspertlər bu sənədi nəzərdənt keçirirlər", - İsgəndərov deyib.
Onun sözlərinə görə, dəniz neft-qaz obyektlərində yaranan texnogen qəzaların aradan qaldırılması üçün nazirliyin təqribən 13 gəmisi, avadanlıqları və lazımi kadr potensialı var.
"Nazirlik bu növ qəzalara və yeni avadanlıqların alınmasına tamamilə hazırdır", - İsgəndərov bildirib.
ARDNŞ-nin (Azərbaycan Respublikası Dövlət Neft Şirkəti) ekologiya üzrə vitse-prezidenti Soltan Əliyevin sözlərinə görə, heç kim fövqəladə hallardan sığortalanmayıb. Lakin ARDNŞ-nin energetika obyektlərində xarici şirkətlərlə birgə layihələr çərçivəsində təhlükəsizlik texnikasına böyük diqqət ayrılır. Həmçinin burada bütün lazımi texniki vəsait və avadanlıqlar və bu aqreqatların fəaliyyəti üzərində daimi nəzarət var. Eyni zamanda, operativ yanaşma və yaranan texniki problemlərin aradan qaldırılması üçün şərait var.
Azərbaycan Ekologiya və Təbii Sərvətlər Nazirliyinin Xəzərdə ekoloji monitorinq şöbəsinin müdiri Mirsalam Qəmbərovun sözlərinə görə, hazırda Xəzərin Azərbaycan sektorunda 31 obyekt var.