...

"Ekol" QSC Abşeron yarımadasında neftlə çirklənmiş torpaqların təmizlənməsini davam etdirir

Energetika Materials 19 May 2010 15:58 (UTC +04:00)

Trend-i buradan izləyin

Azərbaycan, Bakı, 19 may /Trend/

ARDNŞ-nin "Abşeronneft" (Pirallahı qəsəbəsi) Neft-Qaz Çıxartma İdarəsinin mədənləri ərazisində sahənin bioloji rekultivasiyası işləri çərçivəsində "Ekol Mühəndislik Xidmətləri" QSC ərazini 1156 kubmetr neft şlamından təmizləyib. Planlaşdırılmış işlərin gedişində sahəsi 44 ha olan ərazidə rekultivasiya işləri aparılacaq.

Həmçinin aparılan işlər çərçivəsində ərazi 2058 kubmetr çirkli sulardan təmizlənib və buraya 4565 kubmetr torpaq gətirilib. Bu barədə məlumatda deyilir.

Layihənin yekun mərhələsində təmizlənmiş sahədə yaşıllaşdırma işlərinin aparılması planlaşdırılıb. Bu isə Abşeron yarımadasının, o cümlədən Pirallahı qəsəbəsinin ekoloji vəziyyətinə müsbət təsir göstərəcək.

2006-cı il mayın 1-də Abşeron yarımadasının ekoloji problemlərinin həll edilməsi məqsədilə yaradılmış "Ekol Mühəndislik Xidmətləri" QSC-nin həmtəsisçiləri ARDNŞ (51%) və Lancer S.A. Services-dir (49%).

Xəbər lenti

Xəbər lenti