Azərbaycan, Bakı, 5 iyun / Trend, müxbir E.İsmayılov /
Proqnozlara görə, 2010-cu ildə "Azəri-Çıraq-Günəşli" yataqları neft-qaz yataqları blokunu işlənməsi layihəsi çərçivəsində 42 milyon ton neft çıxarılacaq. Ötən il bu rəqəm 40,2 milyon ton təşkil edib. Bu məlumatlar "Xəzər neft-qaz, neft emalı və neft-kimya" sərgisində ARDNŞ-in təqdim etdiyi stenddə göstərilir.
Hasil olunan neftin ümumi həcmindən 29 milyon ton Azərbaycanınm mənfəət neftinin payına düşüb. Ötən il bu rəqəm 27,2 milyon ton olub.
ARDNŞ-in təqdim etdiyi məlumatlara görə, 2008-ci ildə AÇG-dən 34 milyon ton (mənfəət nefti 21,6 milyon ton) neft hasil olunub. 2007-ci ildə bu göstərici 32,9 milyon ton (mənfəət nefti 7,1 milyon ton), 2006-cı ildə 23,3 milyon ton (mənfəət - 4,6 milyon), 2005-ci ildə 13,2 milyon ton (mənfəət - 2,2 milyon), 2004-cü ildə 6,6 milyon ton (mənfəət - 0,97 milyon), 2003-cü ildə - 6,5 milyon ton (mənfəət- 1,11 milyon), 2002-ci ildə - 6,4 milyon ton (mənfəət - 1,17 milyon), 2001-ci ildə - 5,9 milyon ton (mənfəət- 0,95 milyon), 2000-ci ildə - beş milyon ton (mənfəət - 0,83 milyon), 1999-cu ildə - 4,8 milyon ton (mənfəət- 0,14 milyon) təşkil edib. 1998-ci ildə AÇG-dən cəmi 2,37 milyon ton neft çıxarılıb.
"Azəri-Çıraq-Günəşli" layihəsinin iştirakçıları aşağıdakılardır: "bp" (operator - 34,1367 faiz iştirak payı), "ChevronTexaco" (10,2814 faiz), ARDNŞ (10 faiz), INPEX (10 faiz), "Statoyl" (8,5633 faiz), "ExxonMobil" (8,006 faiz), TPAO (6,75 faiz), "Devon Energy" (5,6262 faiz), "Itochu" (3,9205 faiz), "Delta Hess" (2,7213 faiz).