Azərbaycan, Bakı, 2 avqust/Trend/
ARDNŞ-nin (Azərbaycan Respublikası Dövlət Neft Şirkəti) "Azərikimya" İstehsalat Birliyi "EP-300" kompleksinin mühüm qurğularından birində - məşəl qülləsində təmir işlərinə başlayıb. Bu barədə ARDNŞ-nin bazar ertəsi yayılan məlumatında deyilir.
Məlumatda deyildiyinə görə, məşəl qülləsinin hündürlüyü 125 metrdən artıqdır.
Təmir işləri zamanı sıradan çıxmış qazneytrallaşdırıcı buxar borularının hissə-hissə kəsilməsi, boruların izolyasiyası, nəqletmə borularının dayaq yerlərinin daha etibarlı şəkildə bərkidilməsi nəzərdə tutulub.
İşlərin 80-125 metr hündürlükdə aparılacağı qüllədə işləmək üçün çilingərlər, elektrik və qaz qaynaqçıları xüsusi olaraq seçilib.