...

ARDNŞ Gürcüstanın bir neçə rayonunda yeni yanacaqdoldurma məntəqəsi açacaq

Energetika Materials 18 Avqust 2010 14:53 (UTC +04:00)

Azərbaycan, Bakı, 18 avqust /Trend, müxbir E.İsmayılov/

ARDNŞ sentyabrın sonunadək Gürcüstanda öz brendi altında daha səkkiz yanacaqdoldurma məntəqəsini istismara verməyi planlaşdırıb. Bu barədə ARDNŞ-in Gürcüstandakı "SOCAR Energy Georgia" törəmə müəssisəsindəki mənbə deyib.

"Məntəqələrin tikintisi üzrə işlər aktiv templərlə aparılır və sentyabrın sonunadək daha səkkiz yanacaqdoldurma məntəqəsinin istismara verilməsi planlaşdırılıb", - mənbə deyib.

Onun sözlərinə görə, məntəqələrin Gürcüstanın Marneuli, Kaxeti, Kutaisi və digər rayonlarında açılması planlaşdırılıb.

Hazırda SOCAR brendi ilə fəaliyyət göstərən YDM-lərin ümumi sayı 45 ədəd təşkil edir. İlin sonunadək şirkət Gürcüstanda onların sayını 60 ədədə çatdırmağı planlaşdırıb.

"SOCAR Georgia"nın həmtəsisçiləri - ARDNŞ (51%), "Petro-Trans FZCO" (24,5%) və Vano Çxartişvilidir (24,5%).

Xəbər lenti

Xəbər lenti