Azərbaycan, Bakı, 5 oktyabr /Trend, müxbirlər S.Süleymanov, E.İsmayılov/
Bakı-Tbilisi-Ceyhan (BTC) boru kəməri Konsorsiumunun Qazaxıstan yatağı "Tengiz"i işləyən Amerika-Qazaxıstan şirkəti "Tengizchevroil" BM-ə təklif etdiyi tarif, başqa istehsalçılara təklif ediləndən 15-20 faiz aşağıdır. Bu barədə çərşənbə axşamı Astanada BTC iştirakçısı olan ARDNŞ-nin yüksək vəzifəli nümayəndəsi deyib.
Onun sözlərinə görə, boru kəməri ilə Tengiz neftinin göndərilməsinin bərpası təkcə kommersiya məsələsidir. "Tengizchevroil"u təklif edilən tarif qane etmir. ARDNŞ nümayəndəsi BM-ə təklif edilən tarifin məbləğini demədi, lakin qeyd etdi ki, təklif olunan tarif, başqa neft istehsalçılarına təklif ediləndən 15-20 faiz aşağıdır.
ARDNŞ nümayəndəsinin dediyi kimi, ötən il BTC ilə Tengiz neftinin göndərilmə tarifi 4,05 dollar olub.
2008-ci ildə "Tengizchevroil" Bakı-Tbilisi-Ceyhan neft boru kəməri ilə "Tengiz" yatağından olan neftin nəqlinə başlayıb. Lakin bu ilin əvvəlindən BTC ilə Qazaxıstan neftinin nəqli "Tengizchevroil" və BTC səhmdarları arasında tariflərə görə fikir ayrılıqları səbəbindən həyata keçirilməyib.
Hazırda Tengiz nefti Azərbaycandan təkcə dəmiryol vasitəsilə nəql olunur.
BTC Co-nun səhmdarları aşağıdakılardır: Bp (30,1 faiz); AzBTC (25 faiz); Chevron (8,90 faiz); Statoil (8,71 faiz); ТРАО (6,53 faiz); Eni (5 faiz ); Total (5 faiz); Itochu (3,40 faiz ); Inpex (2,50 faiz); ConocoPhillips (2,50 faiz) və Amerada Hess (2,36 faiz).
