Azərbaycan, Bakı, 4 dekabr /Trend/
ARDNŞ (Azərbaycan Respublikası Dövlət Neft Şirkəti) yanvar-noyabrda ortamüddətli müqavilə çərçivəsində Rusiyaya 759,4 milyon kub metrdən çox qaz ixrac edib. Yanvar-oktyabrda bu rəqəm 698,64 milyon kub metr təşkil edib. Bu barədə ARDNŞ-nin məlumatında deyilir.
Noyabrda Rusiyaya təxminən 60,8 milyon kub metr Azərbaycan qazı ixrac edilib. Oktyabrda bu göstərici 80,6 milyon kub metrdən çox olub.
ARDNŞ və "Qazprom" arsında Azərbaycan qazının Rusiyaya alqı-satqısı üzrə ortamüddətli müqavilə (sonradan müddəti uzadılmaqla) ötən il oktyabrın 14-də imzalanıb. Sentyabrın əvvəlində Bakıda imzalanan əlavə sənədə görə, 2011-ci ildə "Qazprom" 2 iki milyard kubmetrədək, 2012-ci ildə isə iki milyard kubmetdən çox qaz alacaq.
Rusiyaya Azərbaycan qazının tədarükünə bu il yanvarın 1-dən başlanılıb.
