...

ARDNŞ ilə BP geologiya və geofizika sahəsində əməkdaşlığı genişləndirirlər

Energetika Materials 7 Yanvar 2011 16:27 (UTC +04:00)

Azərbaycan, Bakı, 7 yanvar /Trend, müxbir E.İsmayılov/

Ötən ilin dekabrında ARDNŞ-nin Geologiya və Geofizika İdarəsi ilə "BP Exploration Azerbaijan" arasında imzalanan anlaşma memorandumu Azərbaycanda böyük neft-qaz layihələrinin iştirakçısı olan Böyük Britaniya şirkəti üçün xidmətlərin təqdim edilməsi prosesini sadələşdirəcək. Bu barədə cümə günü neft-qaz bazarındakı mənbə deyib.

Onun sözlərinə görə, memorandumun şərtlərinə əsasən, o, Geologiya və Geofizika İdarəsinə ARDNŞ-dən icazə almadan BP-yə layihələr üzrə şirkətin iştirak etdiyi informasiyanı verməyə və xidmətləri göstərməyə imkan verir. Azərbaycanda digər layihələr çərçivəsində İdarənin məlumatlarını almaq və xidmətlərindən istifadə etmək üçün ARDNŞ-dən xüsusi icazə almaq lazımdır.

"Memorandum İdarəyə yalnız BP-nin iştirakçısı olduğu layihələr çərçivəsində birbaşa, xüsusi icazə almadan memorandumda nəzərdə tutulan xidmətləri göstərməyə imkan verəcək. Bu, hər şeyi sadələşdirəcək və tərəflər arasında əməkdaşlığı genişləndirməyə imakn verəcək", - mənbə deyib.

Tərəflər arasında anlaşma memorandumu 2010-cu il dekabrın 3-də imzalanıb. Sənəddə kəşfiyyat, seysmik məlumatların emalı, geoloji-geofiziki xəritə və digər texniki xidmətlərin hazırlanması üzrə xidmətlərin göstərilməsi məqsədilə müqavilənin imzalanması niyyəti öz əksini tapıb.

BP Azərbaycanın neft-qaz bloku yataqları "Azəri-Çıraq-Günəşli"nin işlənməsi layihəsinin operatorudur, eləcə də "Şahdəniz" qaz-kondensat yatağının işlənməsinin texniki operatoru qismində çıxış edir. Ötən il ARDNŞ və BP arasında Xəzərdə yerləşən "Asiman-Şəfəq" perspektiv strukturunun kəşfiyyatı və işlənməsinə dair müqavilə də imzalanıb.

Xəbər lenti

Xəbər lenti