...

2010-cu ildə "Azərbaycan Dəmir Yolları" QSC neft yüklərinin daşınmasını artırıb

Energetika Materials 1 Fevral 2011 17:43 (UTC +04:00)

Trend-i buradan izləyin

Azərbaycan, Bakı, 1 fevral /Trend, müxbir E.İsmayılov/

2010-cu ildə "Azərbaycan Dəmir Yolları" QSC dəmiryol nəqliyyatı vasitəsilə 11,78 milyon ton neft yükü daşıyıb. 2009-cu ildə bu göstərici 10,06 milyon ton təşkil edib. Bu barədə çərşənbə günü QSC-dəki mənbə bildirib.

Onun sözlərinə görə, ötən il daşınan neft və neft məhsullarının böyük hissəsi əsasən Mərkəzi Asiyadan gələn tranzit neft yüklərinin payına düşüb.

Azərbaycanın dəmir yolu ilə müntəzəm olaraq Qazaxıstan və Türkmənistandan, eləcə də Azərbaycandan neft yükləri nəql olunur. Neft və neft məhsulları ARDNŞ-nin Kulevi neft terminalındakı dəmir yolu ilə nəql olunur və Gürcüstanın qara dəniz limanları Poti və Batuminin neft terminallarına nəql olunur.

Yüklərin nəqlinin ümumi həcminə gəldikdə isə QSC tərəfindən ötən il 22,4 milyon ton müxtəlif yüklər nəql olunub. Bu göstərici 2009-cu ildə 20,8 milyon ton təşkil edib.

"Ötən il həm nəqliyyatın ümumi həcmi, həm də neft yüklərinin nəqli üzrə artım müşahidə olunub", - mənbə qeyd edib.

Azərbaycan dəmir yollarının ümumi uzunluğu 2929,4 kilometr təşkil edir ki, onun da 2099,7 kilometri istismar xarakterlidir. İstismarda olan dəmir yolunun ümumi uzunluğundan 804,7 kilometr ikizolaqlı yoldur.

Həmçinin istismarda olan dəmir yolunun 1271,4 kilometri elektrikləşdirilib (60 faiz), 1650 kilometri isə avtomatlaşdırılmış siqnal sistemi ilə təchiz olunub.

Xəbər lenti

Xəbər lenti