Azərbaycan, Bakı, 18 aprel /Trend, müxbir E.İsmayılov/
Martın 1-nə olan məlumata görə, Azərbaycan 255 milyon ton neft ixrac edib. Bunun 150 milyon tonu Bakı-Tbilisi-Ceyhan ixrac boru kəmərinin payına düşüb. Bu barədə bazar ertəsi V Beynəlxalq Xəzər neft-qaz, ticarət-nəqliyyat konfransı zamanı ARDNŞ-nin birinci vitse-prtezidenti Xoşbəxt Yusifzadə deyib.
Yusifzadənin sözlərinə görə, 55 milyon tondan çox neft Bakı-Supsa, 33 milyondan çox Bakı-Novorossiysk neft kəməri ilə ixrac olunub, qalan 17,7 milyon ton isə dəmir yolu ilə nəql edilib.
Həmin müddət ərzində Azərbaycan 22,2 milyard kubmetr qaz ixrac edib. Bunun 17 milyard kubmetri Bakı-Tbilisi-Ərzurum qaz kəmərinin payına düşüb.
Konfransın təşkilatçıları "Confidence Energy" şirkəti və Azərbaycan Dövlət Neft Akademiyasıdır.
Konfransın informasiya dəstəyini Trend BİA həyata keçirir.