...

"Nabukko" layihəsinin səhmdarları Azərbaycan ilə boru kəmərinin Bakıyadək çəkilməsi məsələsini müzakirə edirlər

Energetika Materials 9 İyun 2011 20:02 (UTC +04:00)

Trend-i buradan izləyin

Azərbaycan, Bakı, 9 iyun /Trend, müxbir A.Bədəlova/

Xəzərin Azərbaycan sektorundakı "Şahdəniz" qaz-kondensat yatağının işlənməsi üzrə tərəfdaşlar "Nabukko" boru kəmərinin Bakıya qədər çəkilməsi ilə bağlı təklifi müzakirə edirlər.

"Nabukko" layihəsinin səhmdarları "Şahdəniz" konsorsiumu ilə boru kəmərinin Bakıyadək çəkilməsi məsələsini müzakirə edirlər", - bu barədə Trend-ə cümə axşamı "Nabukko" layihəsinin nümayəndəsi Kristian Dolezal deyib.

Konsorsiumun fikrincə, boru kəmərinin çəkilməsinin bu variantı daha sərfəlidir.

Trend-ə Avstriyanın OMV şirkətinin Beynəlxalq boru kəmərləri idarəsinin rəhbəri Maykl-Diter Ulbrixin dediyinə görə, hazırda "Şahdəniz" yatağının işlənməsi üzrə tərəfdaşlar "Nabukko" boru kəmərinin Bakıya qədər çəkilməsi məsələsini müzakirə edirlər. Onun sözlərinə görə, bu, mühüm addım olardı.

"Layihənin səhmdarları belə təklif irəli sürüblər, lakin "Şahdəniz" layihəsi üzrə tərəfdaşlar hələ ki belə qərar qəbul etməyiblər", - Ulbrix qeyd edib.

"Biz hesab edirik ki, istehsalçının bazarla birbaşa əlaqəsinin olması sərfəli olardı", - o qeyd edib.

"Nabukko" kəməri Xəzər regionu və Yaxın Şərqdən qazın Aİ ölkələrinə tədarükünü nəzərdə tutur. Qaz kəmərinin çəkilişi 2013-cü ilə təyin edilib. İlk tədarüklərə 2015-ci ildə başlamaq gözlənilir. Layihənin iştirakçıları Avstriyanın OMV, Macarıstanın MOL, Bolqarıstanın "Bulgargaz", Rumıniyanın "Transgaz", Türkiyənin BOTAŞ və Almaniyanın RWE şirkətləridir. Onların hər biri bərabər paya - 16,67 faiz paya malikdir.

Hazırda layihənin konsepsiyasına əsasən, boru kəmərinin Türkiyə-Gürcüstan və Türkiyə-İran sərhədindən Baumqarten (Avstriya) paylayıcı qaz mərkəzinədək çəkilməsi nəzərdə tutulur.

Xəbər lenti

Xəbər lenti