Azərbaycan, Bakı, 4 avqust /Trend, müxbir E.İsmayılov/
Avqustun sonu - sentyabrın əvvəllərində "SOCAR Energy Ukraine" Kiyevdə SOCAR brendi ilə növbəti yanacaqdoldurma məntəqəsini istismara verməyi planlaşdırır. Bu barədə cümə axşamı Trend-ə ARDNŞ-dəki mənbə deyib.
Onun sözlərinə görə, yeni məntəqənin istismara verilməsi üçün işlər hazırda davam edir.
"Yeni məntəqə Kiyevdə istismara veriləcək. Bu, cari ayın sonu - gələn ayın əvvəlində gözlənilir", - mənbə qeyd edib.
Mənbənin sözlərinə görə, hazırda Ukraynada SOCAR brendi ilə işləyən yanacaqdoldurma məntəqələrinin ümumi sayı 11 ədəddir.
ARDNŞ Gürcüstanda da yanacaqdoldurma məntəqələri şəbəkəsinə malikdir. Onların sayı 70-i ötüb. Bundan başqa, Azərbaycanda da bir sıra yanacaqdoldurma məntəqələri var və Rumıniyada yanacaqdoldurma məntəqələrinin açılışına hazırlaşır.