Azərbaycan 2012-ci ildə 26 milyard kubmetrdən artıq qaz hasil edəcək - ARDNŞ
Azərbaycan, Bakı, 21 sentyabr /Trend, müxbir E.İsmayılov/
Gələn il Azərbaycanda 26 milyard kubmetrdən artıq qaz hasil ediləcəyi proqnozlaşdırılır. Bu barədə jurnalistlərə çərşənbə günü ARDNŞ-nin rəhbəri Rövnəq Abdullayev bildirib.
"Bu il ölkədə neft və qaz hasilatı həcmlərinin cüzi azalması, o cümlədən "Azəri-Çıraq-Günəşli" neft-qaz yataqları blokunun işlənməsi müqaviləsi çərçivəsində təmir işlərinin aparılması ilə bağlıdır", - Abdullayev deyib.
Onun sözlərinə görə, 2012-ci ildə neft və qaz hasilatı həcmlərinin artımı proqnozlaşdırılır. Azərbaycanda neft hasilatının optimal həcmi ildə 50 milyon tona yaxın təşkil edir.
