Azərbaycan, Bakı, 7 oktyabr /Trend, müxbir E.İsmayılov/
2010-cu ilin yekunları üzrə Azərbaycanın "Azəri-Çıraq-Günəşli" (AÇG) neft-qaz yataqları blokunun tərkibinə daxil olan "Qərbi Azəri" yatağındakı hasilat quyusu Britaniyanın BP şirkətinin 25 ən məhsuldar quyu arasında hasilatın həcmi üzrə onuncu yeri tutub. Bu barədə BP-nin rəsmi İnternet saytında yerləşdirilən 2010-cu ilin yekunları üzrə davamlı inkişaf barədə hesabatda deyilir.
ВР AÇG blokunun işlənməsi layihəsinin operatorudur.
"Qərbi Azəri" yatağındakı hasilat quyusu 33 729 sutkalıq debitlə 10-cu yeri tutub.
Ən məhsuldar quyular siyahısında 17-ci yerdə Azərbaycanın "Şahdəniz" qaz-kondensat yatağındakı sutkalıq debiti 30 378 barelə yaxın olan quyu tutub.
Müvafiq olaraq 18-19 və 21-25-ci yerlərdə "Mərkəzi Azəri", "Qərbi Azəri" və "Şərqi Azəri" yataqlarındakı quyular və "Mərkəzi Azəri" yatağındakı üç quyu yerləşir.
Birinci yeri Avstraliyadakı sutkalıq debiti müvafiq olaraq 65 972 və 61 747 barel olan iki quyu tutub.
