Azərbaycan, Bakı, 10 oktyabr /Trend, müxbir E.İsmayılov/
Yanvar-sentyabr aylarında ARDNŞ (Azərbaycan Respublkası Dövlət Neft Şirkəti) ötən ilin analoji dövrü ilə müqayisədə dövlət büdcəsinə ödənişləri 12,5 faiz artırıb. Trend-in məlumatına görə, bu barədə bazar ertəsi ARDNŞ-nin yaydığı məlumatda deyilir.
Ümumiyyətlə, 2011-ci ilin yanvar-sentyabr aylarında büdcəyə təqribən 953,9 milyon manat ödənib ki, bu da ötən ilin müvafiq dövrü ilə müqayisədə 105,88 milyon manat (112,5 faiz) çox olub.
Azərbaycan Respublikası Dövlət Neft Şirkəti 2011-ci ilin sentyabr ayında dövlət büdcəsinə 143,5 milyon manatdan çox vəsait ödəyib. Bu göstərici 2010-cu ilin sentyabr ayı ilə müqayisədə 1,9 faiz çoxdur.
2011-ci ilin yanvar-sentyabr aylarında ARDNŞ tərəfindən Dövlət Sosial Müdafiə Fonduna ödəniş 100 milyon 7 min manat təşkil edib ki, bu da 2010-cu ilin müvafiq dövrü ilə müqayisədə 2,5 milyon manatdan (2,6 faiz) çox olub.
Sentyabr ayında bu göstərici təqribən 11,5 milyon manat olub.
Oktyabrın 10-na olan rəsmi məzənnə 0,7869 AZN/USD təşkil edir.
