Azərbaycan, Bakı, 14 iyun /Trend, müxbir A.Axundov/
Azərbaycan Respublikası Dövlət Neft Şirkəti (ARDNŞ) yanvar-may aylarında dövlət büdcəsinə təqribən 551,64 milyon manat ödəyib ki, bu da ötən ilin analoji dövrünün göstəricisindən 102,79 milyon manat (22,9 faiz) çoxdur. Trend-in məlumatına görə, bu barədə cümə axşamı ARDNŞ-nin yaydığı məlumatda deyilir.
Məlumata əsasən, ARDNŞ yanvar-may aylarında Dövlət Sosial Müdafiə Fonduna təqribən 64,37 milyon manat ödəyib ki, bu da ötən ilin analoji dövr göstəricisindən 11,17 milyon manat (21 faiz) çoxdur.
