Azərbaycan, Bakı, 29 oktyabr /Trend, müxbir E.İsmayılov/
Azərbaycan Respublikası Dövlət Neft Şirkəti (ARDNŞ) öz müqavilə və öhdəliklərinə tam sadiqdir. Bu barədə bazar ertəsi Trend-ə ARDNŞ-nin Gürcüstandakı maraqlarını təmsil edən "SOCAR Energy Georgia" şirkətindəki mənbə deyib.
"Biz öz tərəfimizdən müqavilə və öhdəliklərimizə sadiqik, həmçinin onları layiqincə yerinə yetiririk", - şirkət nümayəndəsi bildirib.
Qeyd edək ki, bundan əvvəl Gürcüstanın iqtisadiyyat naziri Georgi Kvirikaşvili "Mzera TV"nin efirində Rusiyanın "İnter RAO" şirkəti və Azərbaycan Respublikası Dövlət Neft Şirkəti (ARDNŞ) ilə müqavilələrə yenidən baxılmasını istisna etmədiyini bəyan edib.
Onun sözlərinə görə, investorlarla bağlanan müqavilələr şəffaf olmalıdır.
Nazir qeyd edib ki, hazırda investorlarla mövcud olan sazişlər mütləq yenidən nəzərdən keçiriləcək.