Azərbaycan, Bakı, 6 dekabr /Trend, müxbir E.İsmayılov/
BP şirkəti tərəfdaşları ilə birlikdə indiyədək Azərbaycanda neft-qaz layihələrinə təqribən 40 milyard dollar investisiya yatırıb. Trend-in məlumatına görə, bu barədə cümə axşamı "BP Azerbaijan" şirkətinin İctimaiyyətlə əlaqələr şöbəsinin müdiri Tamam Bayatlı "Gənclərin Biznes Liderlik Layihəsi" çərçivəsində qarşılıqlı anlaşma memorandumunun imzalanması mərasimində deyib.
Onun sözlərinə görə, xüsusən bu investisiyalar "Azəri-Çıraq-Günəşli" (AÇQ) dəniz neft-qaz yataqlar blokunin işlənməsi, "Şahdəniz" qaz-kondensat yatağı, Bakı-Tbilisi-Ceyhan neft kəməri və Cənubi Qafqaz qaz kəmərinin tikintisi layihəsinə qoyulub.
Bayatlı vurğulayıb ki, AÇQ layihəsi çərçivəsində 2,1 milyard barel neft hasil edilib.