Azərbaycan, Bakı, 25 yanvar /Trend, müxbir E.İsmayılov /
Bakının II Zabrat qəsəbəsinin qaz təchizatının yaxşılaşdırılması üçün ARDNŞ-nin (Azərbaycan Respublikası Dövlət Neft Şirkəti) "Azəriqaz" İstehsalat Birliyi yeni qaz xəttinin qoşulması üzrə işlər həyata keçirir. Bu barədə İB-dən Trend-ə cümə günü xəbər verilib.
İB-dən deyildiyi kimi, dünəndən qəsəbə ərazisində görülən işlərlə əlaqədar qazın verilməsində məhdudiyyətlər müşahidə olunur.
"İşlər qəsəbənin qaz təchizatının keyfiyyətinin yaxşılaşdırılması məqsədilə aparılır və saat 17:00-dək işlər başa çatacaq və qaz verilməsi normallaşacaq", - İB-dən bildiriblər.
