Azərbaycan, Bakı, 19 avqust / Trend müxbir E.İsmayılov/
Yaxın vaxtlarda "Şahdəniz" qaz-kondensat yatağının işlənməsi çərçivəsində Azərbaycan qazının alışı ilə bağlı bir sıra sazişlərin imzalanması gözlənilir. Bu barədə bazar ertəsi jurnalistlərə açıqlamasında ARDNŞ-in (Azərbaycan Respublikası Dövlət Neft Şirkəti) rəhbəri Rövnəq Abdullayev bildirib.
Abdullayev bildirib ki, "Şahdəniz" layihəsi çərçivəsində, o cümlədən qaz alıcıları daxil olmaqla işlər davam edir: "Yaxın vaxtlarda Azərbaycan qazının alıcıları ilə sazişlərin imzalanması üzrə böyük tədbirin keçiriləcəyi gözlənilir".