...

Azərbaycan Gürcüstanın qaz idxalının 80 faizdən çoxunu təmin edir

Energetika Materials 30 Avqust 2013 15:21
Cari ilin yanvar-iyul aylarında Gürcüstan Azərbaycandan 127,83 milyon dəyərində 742,47 min ton təbii qaz tədarük edib.

Trend-i buradan izləyin

Azərbaycan, Bakı, 30 avqust /Trend, müxbir E. Əliyev/

Cari ilin yanvar-iyul aylarında Gürcüstan Azərbaycandan 127,83 milyon dəyərində 742,47 min ton təbii qaz tədarük edib. Trend-in məlumatına görə, bu barədə Gürcüstan Milli Statistika İdarəsinin saytında dərc olunan hesabatda bildirilir.

Hesabata görə, 2013-ci ilin yanvar-iyul aylarında Gürcüstan 158,09 milyon dollar dəyərində təbii qaz idxal edib. Gürcüstanın ümumi idxalında bu kateqoriyanın xüsusi çəkisi 80,86 faizdir. Azərbaycan ölkənin bu yanacaq növü üzrə əsas tədarükçüsüdür.

İllik hesablamada Gürcüstan tərəfindən idxal edilən Azərbaycan qazının həcmi 21,08 faiz artıb (miqdarla 8,94 faiz və ya 60,96 min ton). Müqayisə üçün: 2012-ci ilin ilk yeddi ayı ərzində Gürcüstan Azərbaycandan 105,57 milyon dollar dəyərində 681,51 min ton karbohidrogen idxal edib.

Hesabat dövründə Azərbaycandan idxal olunan təbii və digər qazların xüsusi çəkisi 40,13 faiz təşkil edib.

Məqalədə:
Xəbər lenti

Xəbər lenti