Azərbaycan, Bakı, 16 sentyabr /Trend, müxbir E.İsmayılov/
Azərbaycanın "Şahdəniz" qaz-kondensat yatağının işlənməsi üzrə konsorsium sentyabrın 19-da Avropada Azərbaycan qazının alıcıları ilə müqavilələr bağlayacaq. Trend-in məlumatına görə, bu barədə bazar ertəsi jurnalistlərə ARDNŞ prezidenti Rövnəq Abdullayev deyib.
Onun sözlərinə görə, "Şahdəniz" qaz-kondensat yatağının işlənməsinin ikinci fazasından Azərbaycan qazının alışı üzrə müqavilələrin bağlanması mərasimi Bakıda keçiriləcək.