Azərbaycan, Bakı, 24 oktyabr /Trend, müxbir E.İsmayılov/
2013-cü il oktyabrın 24-nə olan məlumata görə, Azərbaycan əhalisinə verilən sutkalıq qaz həcmi 7,9 milyon kubmetr təşkil edir. Sentyabrın 27-nə olan məlumata əsasən, bu göstərici təqribən 6,6 milyon kubmetr olub. Bunu cümə axşamı Trend-ə ARDNŞ-dəki mənbə bildirib.
Qaz istehlakının artması ölkədə hava şəraitinin pisləşməsi ilə əlaqədardır.
Mənbənin sözlərinə görə, ölkə üzrə sutkalıq qaz istehlakının ümumi həcmindən 4,5 milyon kubmetr Bakının payına düşür: "Hazırda sutkalıq olaraq 3,4 milyon kubmetr qaz bölgələrin payına düşür".
