Azərbaycan, Bakı, 25 noyabr /Trend, müxbir E.İsmayılov/
"Topaz Energy and Marine" Xəzərin Azərbaycan sektorundakı neft platformalarını (PSV) təmin etmək üçün BP şirkətinə iki gəmi tədarük edəcək. Trend-in məlumatına görə, bu barədə bazar ertəsi "Trade Arabia" xəbər verir.
Məlumata görə, müqavilənin ümumi dəyəri 100 milyon dollar təşkil edəcək. BP üçün gəmilər cari ilin IV rübündə və gələn ilin II rübündə çatdırılmalıdır.
BP gəmiləri "Azəri-Çıraq-Günəşli" neft-qaz yataqları blokunda əməliyyatlara yardım etmək üçün və Azərbaycanın "Şahdəniz" qaz-kondensat yatağının işlənməsinin ikinci fazası çərçivəsində istifadə edəcək.