...

I rübdə Azərbaycanda enerji layihələri üzrə tərəfdaşların xərcləri 550 milyon milyon dolları ötüb

Energetika Materials 16 May 2014 17:28 (UTC +04:00)

Azərbaycan, Bakı, 16 may /Trend, müxbir E.İsmayılov/

2014-cü ilin I rübündə Azərbaycanda BP (Böyük Britaniya) şirkətinin operator qismində çıxış etdiyi layihələr çərçivəsində müqavilə və sifarişlərin yerinə yetirilməsinə çəkilən xərclər 558 milyon dollar olub. 2013-cü ilin eyni dövründə bu rəqəm 503 milyon dollar təşkil edib. Trend-in məlumatına görə, bu barədə BP-in 2014-cü ilin I rübü ərzində Azərbaycanda fəaliyyətinin yekunları üzrə hesabatında deyilir.

Hesabata əsasən, kiçik və orta müəssisələrin (fiziki şəxslər də daxil olmaqla cəmi 159 ədəd) müqavilələrə çəkilən xərcləri 215 milyon dollar, dövlət şirkətlərinin (24 şirkət) xərcləri 37 milyon dollar, yerli tərəfdaşı olan birgə müəssisələrin (12) xərcləri isə 136 milyon dollar təşkil edib. I rübdə xarici podratçıların ölkə daxilində xərcləri 170 milyon dollara bərabər olub.

I rüb ərzində sosial məsuliyyət çərçivəsində layihələrə 0,39 milyon dollar xərclənib. Azərbaycanın "Azəri-Çıraq-Günəşli" dəniz yataqları blokunun işlənməsi layihəsi çərçivəsində xərclər 0,07 milyon dollar, "Şahdəniz" qaz-kondensat yatağı üzrə 0,06 milyon dollar, Bakı-Tbilisi-Ceyhan və Bakı-Tbilisi-Ərzurum boru kəmərləri üzrə isə 0,15 milyon dollar təşkil edib.

Qeyd edilən enerji layihələrinin iştirakçısı olan BP şirkəti özünün sosial məsuliyyət layihələri çərçivəsində 0,11 milyon dollar xərcləyib.

Məqalədə:
Xəbər lenti

Xəbər lenti