...

Dövlət Neft Fondu ötən il aktivlərin idarə edilməsindən 606 milyon dollar qazanıb

Energetika Materials 4 İyun 2014 19:58

Trend-i buradan izləyin

Azərbaycan, Bakı, 4 iyun /Trend, müxbir E.Əliyev/

Azərbaycan Respublikası Dövlət Neft Fondu (ARDNF) 2013-cü ildə aktivlərin idarə edilməsindən 606,4 milyon dollar qazanıb. Trend-in məlumatına görə, bu barədə çərşənbə günü ARDNF-nin ötənilki fəaliyyətinə dair hesabatında deyilir.

Hesabata əsasən, ARDNF-yə daxilolmaların əsas hissəsini ötən il təqribən 16,71 milyard dollar olan mənfəət nefti və qazın satışından əldə edilən gəlirlər təşkil edib. Neft və qazın satışından əldə olunmuş vəsaitin həcmi 2012-ci ilin göstəricisi (təqribən 16,7 milyard dollar) ilə müqayisədə cüzi artıb.

Bundan başqa, Fond ötən il tranzit ödənişləri üzrə 10,3 milyon dollar, bonus ödənişləri üzrə 2,4 milyon dollar, akr hesabları üzrə 2,3 milyon dollar əldə edib.

ARDNF-nin gəlirləri 2013-cü ildə 13,6 milyard manat və ya 17,33 milyard dollar olub.

Məqalədə:
Xəbər lenti

Xəbər lenti