Azərbaycan, Bakı, 9 iyul /Trend, müxbir Emil İsmayılov/
2014-cü il iyulun 1-nə Azərbaycanın qaz operatorunun abonentlərinin sayı 1 695 552 təşkil edib. Bu barədə Trend-ə ARDNŞ-nin "Azəriqaz" İstehsalat Birliyindən (İB) məlumat verilib.
Qaz abonentlərinin ümumi sayından 717 179-u Bakının, 978 373-ü isə digər bölgələrin payına düşür. Qaz abonentlərinin ümumi sayından 1 674 425-i əhali kateqoriyasının payına, qalan 21 127-si isə digər kateqoriyaların payına düşür.
Bakı və ümumilikdə bütün ölkə üzrə abonentlərin sayğacla təmin olunması 100 faizlik səviyyədədir.
2013-cü ilin yekununa görə, ARDNŞ-nin ümumi aktivləri 23,05 milyard manat təşkil edib. 2012-ci ildə bu məbləğ 21,87 milyard manat idi.
2012-ci ildə 1,08 milyard manat təşkil edən nizamnamə kapitalı 2013-cü ildə 1,32 milyard manat olub.