...

Azərbaycanda ARDNŞ-nin NEZ-lərinin biri neft emalı həcminin azalmasının səbəbini açıqlayıb

Energetika Materials 23 İyul 2014 14:15

Trend-i buradan izləyin

Azərbaycan, Bakı, 23 iyul/Trend, müxbir Emil İsmayılov/

Azərbaycan Respublikası Dövlət Neft Şirkətinin (ARDNŞ) Heydər Əliyev adına Bakı Neft emalı zavodu (NEZ) I yarımillikdə 2788,2 min tondan çox xammal emal edib. 2013-cü ilin yanvar-iyun aylarında bu rəqəm 2705,4 min ton təşkil edib. Trend-in məlumatına görə, bu barədə zavodun rəhbəri Elman İsmayılovun "İki sahil" qəzetinə müsahibəsində deyilir.

Heydər Əliyev adına NEZ yanvar-iyun aylarında zavoda daxil olmuş 2084,2 min ton xam neftlə yanaşı, "Azərikimya" İstehsalat Birliyinin "Azneftyağ" neft emalı zavodundan yarımfabrikatlar, həmçinin Qaradağ Qaz emalı zavodundan qaz benzini emal edir.

E.İsmayılovun sözlərinə görə, emal həcmlərinin azalması neft emalı üçün tədarük edilmiş həcmin azalması və aprel-may aylarında zavodda aparılmış əsaslı təmirlə əlaqədardır.

Ümumilikdə I yarımillikdə zavod 872,4 milyon manat dəyərində neft məhsulu istehsal edib. Zavod yanvar-iyun aylarında 2227Ş2 min ton neft məhsulu reallaşdırıb ki, bunun 1528,1 min tonu daxili bazarın, qalan 699,1 min tonu isə ixracın payına düşübş

Məqalədə:
Xəbər lenti

Xəbər lenti