Azərbaycan, Bakı, 15 iyun /Trend/
SOCAR-ın (Azərbaycan Dövlət Neft Şirkəti) Gürcüstandakı nümayəndəliyi Tbilisidə daşqın nəticələrinin aradan qaldırılmasına yardım göstərir. Bu barədə Trend-ə SOCAR şirkətinin baş direktoru Mahir Məmmədov deyib.
O bildirib ki, şirkət daşqın nəticələrinin aradan qaldırılması üçün Tbilisi meriyasına 10 min litr benzin və 50 min lari vəsait ayırıb: "SOCAR heyəti Tbilisidə daşqın zamanı həlak olanların ailələrinə başsağlığı verir. Şirkət tərəfindən dərhal qərargah yaradılıb və əməkdaşlarımız daşqın nəticəsində zərər çəkənlərə yardım göstərmək üçün ilkin tələbat əşyaları toplamağa başlayıb".
SOCAR-ın Gürcüstan nümayəndəliyinin rəhbərliyi əhaliyə yardım üsullarını nəzərdən keçirir.