Bakı. Maksim Tsurkov - Trend:
İndoneziya Azərbaycanı ölkənin energetika sahəsinə sərmayə qoymağa dəvət edib. Trend-in məlumatına görə, bunu İndoneziyanın energetika və mineral resurslar nazirinin müavini Ronqqo Kunkaxyo Bakıda keçirilən Azərbaycan-İndoneziya enerji forumunda deyib.
Onun sözlərinə görə, bu, neft hasilatı və emalı, elektrik enerjisinin istehsalı və paylaşdırılması sahələrinə də aiddir.
Nazir müavini qeyd edib ki, gələcəkdə enerji sahəsində əməkdaşlıq üzrə işçi qrupun yaradılması planlaşdırılır: "İşçi qrupuna iki ölkənin şirkətləri daxil olacaq".
