Bakı. Maksim Tsurkov - Trend:
2016-cı ilin aprel ayında Azərbaycanın enerji sistemində 1,7 milyard kilovat-saata yaxın elektrik enerjisi istehsal edilib.
Trend-in "Azərenerji" ASC-yə istinadən verdiyi məlumata görə, bu göstərici ötən ilin müvafiq dövründə 1,9 milyard kilovat-saat olub.
Bununla yanaşı, ay ərzində ölkə enerji sisteminin əlaqəsi olan qonşu dövlətlərlə elektrik enerjisi mübadiləsi davam etdirilib.
Cari ilin ötən 4 ayı ərzində isə 7,6 milyard kilovat-saata yaxın elektrik enerjisi istehsal edilib. Bu rəqəm 2015-ci ilin eyni dövründə 8,2 milyard kilovat-saat təşkil edib.