Bakı. Trend:
Monteneqro TAP qaz kəmərinə qoşulması planlaşdırılan İoni-Adriatik boru kəmərinin (IAP) tikintisi layihəsinin həyata keçirilməsinə köklənib.
Trend-in məlumatına görə, bunu Bakıda səfərdə olan Monteneqronun xarici işlər naziri Srcan Darmanoviç azərbaycanlı həmkarı Elmar Məmmədyarovla birgə mətbuat konfransında deyib.
O qeyd edib ki, ölkəsi Azərbaycanla energetika sahəsində əməkdaşlıq etməkdə maraqlıdır.