Azərbaycanın "Kürovdağ" quru yatağında bərpa, kəşfiyyat və hasilat işləri aparan Shirvanoil birgə müəssisəsi (BM) ARDNŞ-lə sərbəst kommersiya qazının "alqı-satqısı haqqında" müqavilə imzalamağa hazırlaşır. Bu barədə Trend ə ARDNŞ-dən məlumat verilib.
Hazırda müqavilənin ilkin variantı hazırlanır. "Kürovdağ" yatağındakı quyu fonda təftiş aparılır. BM bir sıra geoloji-texniki tədbirlər, eləcə də qaz hasil edilən, hazırda isə fəaliyyət göstərməyən quyuların əsaslı təmirini həyata keçirməyi planlaşdırır.
Noyabrda yataqda qazın orta sutkalıq hasilatı oktyabrdakı 46 302 m3-dən 63 min m3-ə qədər artıb. Hazırda Shirvanoil-un qaz quyularının fondu 4 ədəd təşkil edir.
2004-cü ilin payızında ARDNŞ Caspian Energy Group (keçmiş Whitehall) şirkəti ilə "Kürovdağ" yatağı ücrə müqavilə imzalayıb. PSA üzrə tərəflər 50% iştirak payı alıblar. 1997-ci ildən "Kürovdağ"ın reabilitasiyası ilə Shirvan Oil BM məşğul olmağa başlayıb ki, burada Caspian Energy Group 51% iştiraka sahiblik edir. "Kürovdağ" 1929-cu ildə kəşf edilib. Bu gün buradan 36 mln tondan artıq neft hasil edilir. Bu zaman Shirvan Oil ( 1997-ci ildən) 1,6 mln tondan artıq neft hasil edib.
Hazırda ARDNŞ-lə müqavilə üzrə sərbəst qazın satışı üzrə "Neftçala", "Hillə" və "Babazənən" müqavilə sahəsində qaz hasil edən Anshad Petrol BM də məşğul olur. ARDNŞ ARDNŞ Anshad Petrol-dan qazı 65 min AZM ( 1 min kubmetri $13) alır və "Azəriqaz" qapalı səhmdar cəmiyyətinə (QSC) satır. QSC də öz növbəsində yanacağı "Azəriqaz"ın tərkibinə daxil olan "Aztransqaz" İB vasitəsilə paylayır. 2005-ci ilin yanvar -noyabr aylarında ARDNŞ 21,6 mln kubmetr sərbəst qaz satıb ki, bu da 2004-cü ilin 11 ayvnda olduğundan 8,8 mln kubmetr çoxdur.