Azəriqaznəql ( "Aztransqaz" İB - Azəriqaz QSC-nin strukturu) İstehsalat Birliyi Azərbaycanın Lerik və Yardımlı rayonlarının qazlaşdırılıması layihəsi ilə əlaqədar müsabiqə keçirir. Bu barədə Trend ə İstehsalat Birliyindən (İB) məlumat verilib. Müsabiqə qaz xəttlərinin, qaznizamlayıcı məntəqələrin, inzibati binaların tikintisini, radioəlaqə sisteminin quraşdırılmasını nəzərdə tutur. Qaz xəttlərinin, qaznizamlayıcı məntəqələrin, inzibati binaların tikintisi üzrə müsabiqə dekabrın 24-də, radioəlaqə sisteminin quraşdırılması üzrə müsabiqə isə dekabrın 30-da keçiriləcək. Maraqlı şirkətlər İB-nə bu müddətlər başa çatana kimi müraciət edə bilərlər.
Azəriqaz bu rayonların qazlaşdırılmasını 2008-ci ilə kimi həyata keçirmək istəyir. Yardımlının qazlaşdırılması üçün 10,5 mlrd manat (42 km uzunluğunda qaz xəttlərinin tikintisi üçün), Lerik üçün- 21 mlrd manat (79 km) investisiya tələb olunur.
Bu işlər Azərbaycanın regionlarının sosial-iqtisadi inkişafı üzrə Dövlət Proqramı çərçivəsində həyata keçirilir. Hazırda Bakı ilə yanaşı Azərbaycanın 50 rayonu qazla təmin olunur.
19.12.05 tarixdə Azərbaycanın Milli Bankında dolların manata məzənnəsi 4592 manat təşkil edib.
