Ötən həftə Bakıda GUAM, QİƏT və bir sıra beynəlxalq təşkilatlara üzv ölkələrin energetika idarələri nümayəndələrinin görüşü başa çatıb. Bu barədə Trend ə AR sənaye və energetika Nazirliiyndə (SEN) bildirilib.
Nazirliyin nümayəndəsinin sözlərinə görə, görüşdə energetika təhlükəsizliyi ilə bağlı bəzi sənədlərə baxılıb.
Nazirlikdə qeyd olunub ki, bu ilin yayında Bakıda neft-qaz sərgisi çərçivəsində iştirakçı ölkələr tərəfindən bəyənilmiş sənədlərin müzakirə ediləcəyi gözlənilir.
Baxılan məsələlər arasında Xəzər və Mərkəzi Asiyanın enerji ehtiyatları, Avropanın enerji bazarına tədarükü üçün alternativ yollar, daşınma və tranzit məsələləri üzrə layihələr olub.
"Xəzər neft və qaz, neft emalı və neft-kimya" XIII beynəlxalq sərgi və konfrans iyunun 6-9-da Bakıda keçiriləcək.
