BTC Co. boru kəməri şirkəti Bakı-Tbilisi-Ceyhan boru kəmərinin texniki neftlə doldurulmasını davam etdirir. BTC Co.-nun operatoru olan BP-də Trend ə bildirilib ki, bu gün BTC boru kəmərinə təxminən 743 min ton (5 mln. 512 min barel) Azəri Light nefti vurulub. Bu ilin yanvar - fevralında boru kəmərinə 179 min ton (1 mln. 327 min barel) neft vurulub. BTC boru kəmərinin tamamilə doldurulması üçün 10 mln. bar. neft lazımdır.
Sentyabrda Ceyhan limanına ilk neft daxil olub və neft ambarlarından birində olan tankerdən yüklənib. Azəri Light neftinin bu partiyası Ceyhana sentyabrın ilk ongünlüyündə Gürcüstanın Qara dənizdəki Supsa limanından terminalda sınaq aparılması və BTC boru kəmərinin bir hissəsinin doldurulması üçün nəql olunub.
BTC CO. boru kəməri şirkəti 600 min barel həcmində neft partiyasını "Azəri-Çıraq-Günəşli" yatağında neft hasil edən Azərbaycan Beynəlxalq Əməliyyat Şirkəti (ABƏŞ) tərəfdaşlarından alıb. Bu partiyanın dəyəri Azəri Light neftinə Platts orta aylıq kotirovkası əsasında nəzərdə tutulub.