2006-cı ilin yazında Türkiyənin Ceyhan limanından 450 min barel həcmində BTC boru kəməri ilə nəql olunan Azeri Light neftinin ilk tankeri yola salınacaq. Trend BP-Azerbaijan şirkətinin beynəlxalq əlaqələr üzrə meneceri Kleir Bebbingtona istinadən bildirir ki, şirkət Xəzərdə əsas operatordur və Azərbaycan, Gürcüstan və Türkiyə kimi üç ölkədəki investisiyalarının həcmi $22 mlrd. olaraq qiymətləndirilir.
Onun sözlərinə görə, BP qeyri-neft sektorunun inkişafında və milli istehsalın yüksəldilməsində iştirak etməyə hazırdır. Xüsusilə o, yerli kiçik və orta müəssisələrlə işləmək arzusunu bildirib. Bununla bağlı olaraq 2010-cu ildə illik xərclərin $250 mln.-dan $500 mln.-dək artırılması planlaşdırılır.
Hazırda şirkət yerli xidmət şirkətləri, təchizat müəssisələrinin cəlb edilməsi ilə Azərbaycanda tətbiq olunması üçün uğurlu təcrübələr toplayır. Son məqsəd Azərbaycanda rəqabətə davamlı məhsulların istehsalına və ölkəyə investisiya cəlb olunmasına kömək etməkdir.
